Kavyanjali ..a poetical tribute by Ramesh Saju Ghadi

Kavyanjali ..a poetical tribute by Ramesh Saju Ghadi

My poem presented at

Kavyanjali ..a poetical tribute

organised in honour of

Former PM Atal Bihari Vajpayee

@ Menezes Braganza Auditorium.

तुमच्या वरींच आमींय सदाच
देशाक लागून झुजतले.

बारीक बारीक फुलां मदीं
जसो मोगरय़ांचो झेलो
महारत्न मेरूमणी
देवान आयज सर्गी व्हेलो.

धन्य ताचे अटल शौर्य
क्षत्रियांत जसो मौर्य
तारकांच्या मंडळात
सुर्या वरी जाचे धैर्य .

सुन्न आयज जाल्या सई
अस्तमतेक गेला रवि
अमृताची तेज वाणींत
जागोवन गेला महाकवि.

सगळें जालां मंद मंद
हालून गेल्यांत मुळा कंद
हिंद ह्रुदय काळजा गाभो
विचल जाला परमळ गंध.

शेकड्या आदलो उदका वाद
कावेरीचो सोडयल्लो
शत्रू कोणांक मानले ना गा
सु संवाद घडयल्लो .

मेणां परस कोमल मऊ
वज्रा परस म्हा कठिण
भेद केन्नां केलो ना गा
कोण उंच कोण हिण.

पोखरणाच्या परिक्षणांत
संसार ताणें हालयल्लो
पोक्या महा सत्तांचो
भया ऊजो पालयल्लो.

प्रतिबंध घातले तरीय
कविमन तें हाल्लें ना
राष्ट्र सन्मान राखतनां
फाटीं कशेच सल्लें ना .

मित्रां कडेन मित्रता
सदाच आमीं जोडटले
वाकडी नदर घालतल्यांचे
पेंगठ आमीं मोडटले .

अटलजी तुमकां आमीं
देवा वरी पुजतले
तुमच्या वरींच आमींय सदां
देशा लागून झुजतले रे
तुमच्या वरींच आमींय सदा
देशाक लागून झुज

रमेश साजु घाडी.

One Comment on “Kavyanjali ..a poetical tribute by Ramesh Saju Ghadi”

GoNaSa

रमेश बाब, कविता सारको.……….

Comments are closed.

Categories

Upcoming Events

View All Events