Manadik Som’padok !

To
Som’padok*
konkanmail.com

Manadik Som’padok, !

*Hanvem Boroiloli Chitt tumi uzvaddaunchi mhonn vinoti kortam,*

*Vixoi : ROMI KONKNNICHE MARATHIKARANA VORVIM NISONTONN*

* V. Ixtt-ar ogr’lekh October 13ver ailolo vachlo ani oxem choddse amchea
Kristi lokanche mot tumchea samkar ugte korum-sem dislem. Amchi Bhas
Xikum-ia hea narrea khal zaiteo Kariavolli and Kariashalla zatat punn hacho
foll amkam kedich mellcho nam. Eka mukhel karann mhutllear hea oslea obheas
yatra mhunn ghoddun Goyche Konknni sounstha veg vegle kariashallent vo
borounk xikoitant te Marathi utrancho vapur kortat. Ho vapur bond kori nant
te meren konknnichi kainch udorgot zauchi nam. Udaron voir ullekh kela tem
utor ‘OBHEAS Yatra,’ ‘POSCHATAP’ (repentence), ‘Nirmann,’ ‘vot pelpak,’
‘prokaxit,’ ‘somor,’ ‘prathonam,’ sadaronn=sumarache, gitachi=kantar
adi…. *

*Amchi adleanchi konknni bori khub giriest, ani ti amche rogtant ani angant
asa. Amkam amchim sobit konknni adlio boroupi Reginald Fernandes,
Bonoventure D’Peitro, Elly (Cine Times), Simon Ferandes (Goa Times) hea
lokachea boroupamni melltta. Konknni sounsthamnim hea bhaxen oxe porki ani
Marathi utrancho vapur kelear konknni vachtolim lok pustokam ani potram
gheunk thambttolim. Oxem zata tedna, fuddlea pillgek konknni kodde
ixttagot urchonam. Hanv ani mhojim ghorantlim, amche bapoik lagon Romi
Konknni vachonk xikleav. Kiteak mhozo bapoi amkam pois aslolea Bombay
Dhobitalao thaun Roman Konknni pustokam ani potram haddttalom. Amchi
Kristanv Konknni lok ji konknni kodde ajun sobond dourun asa, tankam
Konknni utram soddun Marathi utram dili zalear apnak Konknni Misam
sozmonant mhunn English misam magtoleanchi ankddo vaddot rautolom. Ani tea
bhair POVITR PUSTOK bodololea Devanagri (Marathi) Roman lipint boroin taka
vhoddilamnim ( hierarchy) porvangi dilear, sogllem hata bhair poddttolem
hatun dubauch nam.*

*Borem Magun,*

*Thomas Fernandes, *

 *Nachinola, Bardez, Goa.*

*Tarik : 06/11/2018*

KonkanMail Desk

WE RESPECT YOUR OWN LANGUAGE , LITERATURE , CULTURE , CRITICS ,TIPS ,ENVIRONMENTAL JUDGEMENT : FLOCKING TO GATHER THE WORLD-MOST GOODNESS

One thought on “Manadik Som’padok !

  1. Voir sangleant tim Moratthi utram mhunnom nezo Him utram Povitr Pustokantui asat Hea utram vorvim amkam luksonn zata oxem disonam

Tag Cloud

Skip to toolbar