Dalgado Konknni Akademi-n ghoddoun haddlolia “Konknni Potrkarita Dis” (Konkani Journalism Day )”

Dalgado Konknni Akademi-n ghoddoun haddlolia “Konknni Potrkarita Dis” (Konkani Journalism Day )”

………………………………………………………………………………………………….

*Vortomanpotram porjek zababdar asonk zai – Praksah Kamat*

Ponnji:-
Potrakaritechim mul’leam samballun dovorchie khatir ani fottkiri (fake) batmi ani duddu farik korun toyar kel’li (paid) batmi khobar korchie khatir vortomanpotram porjek zababdar aspak zai ani nhoi tanchea dhoniank, oxem Xri. Pakash Kamat, Senior Asst. Editor The Hindu Goa hannem vidhan kelem. Febrerachie 2rer Dalgado Konknni Akademi-n ghoddoun haddlolia “Konknni Potrkarita Dis” (Konkani Journalism Day” hea dobajea somoyear Mukhel Soiro mhunn uloitalo.

Tea fuddem uloun Xri. Kamat hannem potrkarita korta tea mhotvachea karyachi kholayen somzonni dili ani heach karannank lagon “Potrkarita lokxayecho choutho Khambo” (Journalism is the fourth pillar of democracy) mhunntta tachoi ulekh kelo. Adlea kallaili potrkarita aichea kallailie potrkaritek tulna(compare) korun, aichea kallar ‘fake news’ ani ‘paid news’ toyar korun as’sol ‘sot’ koxem porje somor manddun sadhie porjechi dixabul korta tacherui tannem uzvadd ghatlo. Oslio kornnio adharun potrkar potrkaritechim totvam visortat mhunn tannem xinn kelo.

Hajir asloleamni Prakash Kamat hankam kaim prosn kele tankam zabab diun Xri. Kamat hannem Goyantlie potrkaritiecher kholayen uzvadd ghatlo.

Aplea yeukarachea uloupan, DKA-cho Odheokx Tomazinho Cardozo hannem Konknni potrkaritecho thoddkean itihas sanglo. 2 Febrer 1889 vorsa,jednam Edward Jose Bruno D’Souza hannem “Udentichem Sallok” hem satollem, Konknni Romi lipient, Poona-nt porgott kelem tea disa Konknni potrkaritecho zolm zalo ani ho dis DKA “Konknni Potrkarita Dis” mhunn monoita mhunn ugddapem kelem. Tea fuddem uloun, fultea potrkarank margdorxonn diunche khatir DKA fuddarak karyaxalla ghoddoun haddttoli ani borea mul’leamni vinnloli potrkarita nirmann korunk vavurtoli mhunn tannem mahiti dili.

Hea somoyar jyextt potrkar Bro. Eusebio Miranda, Vauddeancho Ixtt potracho som’padok, hacho Prakash Kamat hanchea hatantlean sotkar kelo. Aplea uloupant Bro. Miranda hannem DKA korta tea vavrachi tust keli ani sogllea Konknni mogiam modem ekvott ghoddunk ulo marlo.

Tachê adim Afonso Braganza hannem Bro. Miranda hachi vollokh keli zalear Sonia Gomes hannem mukhel soiro Prakash Kamat hanchi vollokh keli.  Celso Fernandes, DKA-cho bhanddari hannem soglleanche upkar attoile ani Selza Lopes hannem karyavollichem sutrsonchalon kelem.

 

Our Policy

WE RESPECT YOUR OWN LANGUAGE , LITERATURE , CULTURE, CRITICS , TIPS , ENVIRONMENTAL JUDGEMENT AND FLOCKING TO GATHER THE WORLD-MOST GOODNESS

Categories

Upcoming Events

View All Events