एका मेल्ल्याचीं सवालां- वल्ली क्वाड्रस

एका मेल्ल्याचीं सवालां

तुमी;
म्हज्या मोर‍नाची घांट मार्तेल्यांनो
मेल्ल्याक कोण‌यी पुर्तेले वा लासतेले
जिव्यांच्या अत्म्याची पिंर‍गोण आयकल्ली आसा?

तुमी;
म्हजी निर्जीव कूड न्हाणयतेल्यानो
जिवो आसताना उत्रां तिंतेरानी,
म्हजेर उडयिल्ल्या मेळ्याचो उडास असा?

तुमी;
म्हज्या मोर्नाचेर रुदान कर्तेल्यानो
एक पावटीं पुणीं सत सांगा;
म्हजें दूःक केदनांय तुमी पळेल्लें आसा?

तुमी;
म्हाका मोर्नाच्या पेटेंत निदायतेल्यानो
हांवेंच भांद‌ल्ल्या घरांतलो,
म्हाका भायर काड‌ल्लो उडास आसा?

तुमी;
म्हाका पूर‍च्या फोंडाचेर फुलां सजयतेल्यानो
तुमच्या हातांनी आसचीं फुलां सयत
आत्म्या गवरवाक अत्रेग्तात म्हळ्ळें कळीत आसा?

तुमी;
म्हाका सर्भरायेंत फोंडांत निदायतेल्यानो
मेलां तर‌यी तुमचेर पात्येवन विचार्तां;
परत हांव जिवंत जाल्यार म्हाका जियेवंक दिश्यात?

– वल्ली क्वाड्रस

KonkanMail

WE RESPECT YOUR OWN LANGUAGE, LITERATURE, CULTURE, CRITICS, TIPS, ENVIRONMENTAL JUDGEMENT AND FLOCKING TO-GATHER THE WORLD-MOST GOODNESS : Indian Cottespondant

5 thoughts on “एका मेल्ल्याचीं सवालां- वल्ली क्वाड्रस

  1. I’m extremely pleased to uncover this site. I wanted to thank you for ones
    time for this fantastic read!! I definitely enjoyed
    every little bit of it and I have you bookmarked to look at
    new things on your web site.

Categories

Log In

No social networks were enabled in the Widget.

Subscribe for next Updates !

Translate »