जीण ही जीण उरली ना…

जीण ही जीण उरली ना

एड्स् एक भयानक दुयेंस
नांव आयकून भीयेवपाचें
आतां ताका म्हजें नांव जोडलें
सांगात हांवें कशें जियेवपाचें?

इश्कॉलांत म्हाका आतां जागो ना
भुरग्यांक खंय तांच्या राखपाक जाय
म्हाका गा कोण राखतलो?
हांवें कशें शिकप काय?

म्हाकाय दिसता खेळचेंशें
इश्टांक वचून मेळचेंशें
पूण सगळ्यांनी दारां बंद केल्यांत
दूसर्याच जगान तीं गेल्यांत

घरान लेगीत म्हाका कूड वेगळी
वेगळीच म्हजी जीण सगळी
आफडूंक नजो हांगा थंय
घाल्या ताणी घरांतूच वंय

आईक आसा म्हजो मोग
पूण म्हजे नशीबाचे भोग
आडोसान ती खूब रडटा
पूण कूशीनूच म्हाका वाडटा

म्हजे वांगडा तीवूय रावना
आसात म्हाका आनीक भावणा
आईक जडलें दुयेंस जाल्यार
चलतलो कसो आमचो संसार?

काळजान अजून आसा मोग
जीणेन जरी भल्ल्या भोग
म्हजो मोग म्हजी अपूरबाय
जगाक म्हाका दिंवक जाय

पूण लागीं कोण करचोना
हात म्हजो धरचोना
मोग आसा जो मनांक
आतां हांव दिंव कोणांक?

देवा म्हज्या आतां म्हाका
मारपाची भीरांत उरली ना
जीयेवपाच्या भंयान मात
जीण ही जीण उरली ना
जीण ही जीण उरली ना

उर्जिता भोबे

KonkanMail

WE RESPECT YOUR OWN LANGUAGE, LITERATURE, CULTURE, CRITICS, TIPS, ENVIRONMENTAL JUDGEMENT AND FLOCKING TO-GATHER THE WORLD-MOST GOODNESS : Indian Cottespondant

5 thoughts on “जीण ही जीण उरली ना…

Categories

Log In

No social networks were enabled in the Widget.

Subscribe for next Updates !

Translate »