Konknni Borovpianchem Sommelon’-achi toyari purnn

 

‘Konknni Borovpianchem Sommelon’-achi toyari purnn

Isidore Dantas ugtavonn korpi zalear Fr. Walter D’ Sa somarop suvalleak Mukhel soiro

Moddganv : Dalgado Konknni Akademi (DKA) ayojit Konknni Borovpianchem Sommelon-achi toryari purnn zalia ani purai Gõychean sumar 200 borovpi hea sommelonak hajir zatole hachi khatri kelia. Fattlim kaim vorsam zoitivontponnim he sarke sommelon ayojit kele uprant, hie pautti anik chodd borovpiank ektthaim haddpachem DKA-n paul marlam. Hem sommelon 18 Novembr 2018 disa Moddganvchea Ravindra Bhovonachea Conference Hall-ant bhorta.

Mhalgoddo Konknni borovpi Isidore Dantas hachea hatantlean hea sommelonachem ugtavonn zatolem. Punneant ravpi Isidore Konknnichea veg-vegllea vixoyancher boroita ani tachim kaim pustokam-i uzvaddak aileant. Halinch tannem Joel D’ Souza hachea adharan toyar kelolo Inglez-Konknni xobdkox (dictionary) uzvaddaila. Konknni cholchitram ani tiatr machierui tannem khub vaur kela.

Sokallim zavpi poilea sotrant “Tornatteanchem Konknni Bhaxek Yogdan Gorjechem” hacher Dr. Cosma Fernandes vichear manddttolo zalear sanjer zavpi dusrea sotrant “Romi Konknni Borovpiam Mukhar Aslolim Avhanam” hacher Konknni Borovpi ani Potrkar Marcos Gonsalves aple vichear manddttolo. Donui sotram uprant hajir aslolea borovpiank ani chodd korun tornatteank bhasabhas korunk sond mellttoli.

Somarop suvalleak Mukhel Soiro mhunn xikxonn ponddit Fr. Walter D’ Sa sommelonak hajir astolo. Hea donui suvalleank DKA-cho odheokx Tomazinho Cardozo Odheokxpod choloitolo zalear Chittnis Vincy Quadros purai smmelonacho attap ghetolo.

Disbhor cholpi hea sommelonant tornatteank ani borovpiank Konknni bhaxe koddem koxie toren ekzhutt korun dovrunk zatat tacher upai kaddunk pradhan’ya ditole. Hea sommelona vellar pustok prodorxon ani khasa sutt diun vikri astoli. Je borovpi nanv-nondnni korinastanam chukon urleat tannim beginuch aplem nanv nond korchem ani sogllea borovpiamn hajir ravun sommelon zoitivont korunk hatbhar lavcho oso Dalgado Konknni Akademin ulo marla.

*************

Vincy Quadros

Dalgado Konknni Akademi works for the uplift of Konkani in Roman script. But not against any other script. This Akademi wants the progress of Konkani in the Roman script as much as it wants the progress of Konkani in the Devnagri script, and DKA ( Dalgado Konknni Akademi ) looks forward keeping this aim in mind.

Comments are closed.

Tag Cloud

Skip to toolbar