Serach Vehicles with GPS

KONKNNI BOROVPIANCHEM SOMMELON

Batmi:-

Dalgado Konknni Akademi vorsavolli pormannem 18 Novembr 2018 disa Moddganvchea Ravindra bhovonachea Conference Hall-ant disbhorachem KONKNNI BOROVPIANCHEM SOMMELON ghoddoun haddtta. Tem sokallim 9.30 vorancher suru zatolem.

Nanv nondnni zale uprant ugtavonn suvallo zatolo. Ugtavnnechea dobajeak Isidore Dantas, mhalgoddo borovpi, mukhel soiro mhunn hajir aslolo. Tea uprant hajir aslolea borovpianchi vollokh zatoli. Sommelonachea poilea sotrant ‘Konknni Bhaxek Tornatteanchem Yogdan Gorjechem’ hea vixoyacher MES Kolejicho Professor Dr. Cosma Fernandes mukhel ulovp kortolo. Te uprant ‘Tornatteancho Avoi Bhaxe Sovem Mog’ hea up-vixoyacher Michael Gracias ; ‘Gõychi Osmitai ani Konknni Bhas’ hea up-vixoyacher Dr. Anselmo Fernandes ; ‘Prosar Madheomancho Tornatteamni Koso Upiog Korum-ieta?’ hea up-vixoyacher Sonia Gomes ani ‘Tornatteank Konknni Bhaxe Koddem Koxe Lagim Haddum-ieta?’ hea up-vixoyacher Irene Cardozo, oxe ap-aple vichear manddttole. Mhalgoddo Konknni Borovpi Daniel F. Da Souza hea sotracho Odheokx astolo.

Sommelonachea dusrea sotrant ‘Borovpiam Mukhar Aslolim Avhanam’ hea vixoyacher Konknni borovpi ani potrkar Marcos Gonsalves mukhel ulovp kortolo. Te uprant ‘Borovp Koxem Srujon’xil (creative) Korum-ieta?’ hea up-vixoyacher Guadalupe Dias ; ‘Boroitanam Zavpi Chuki Sudraunk Kitem Korum-ieta?’ hea up-vixoyacher Fr. Jose Silveira sj ; ‘Borovp Pustok Rupan Haddpachio Vatto’ hea up-vixoyacher Pio Esteves ani ‘Borovpiamni Potram-masikam -pustokam Vachpachi goroz’ hea up-vixoyacher Fausto V. Da Costa oxe ap-aple vichear manddttole. DKA-cho adlo odheokx Premanand A. Lotlikar hea sotracho Odheokx astolo.

Donui sotram uprant bhasabhas astoli. Borovpiamni hea vellar aple prosn ani oddchonni mukhar haddlear tancher vichear korunk DKA-k odik faido zatolo. Somarop suvalleant DKA –cho chittnis sommelonacho attap ghetolo. DKA-cho Odheokx Tomazinho Cardozo ugtavonn ani somarop suvalleachem odheokxponn choloitolo.

Sogllea Romi Lipi Konknni borovpiamni hea sommelonant vantto gheun donui sotrancho ani pustok prodorxonacho labh gheuncho mhunn DKA ulo marta.

Vincy Quadros

Dalgado Konknni Akademi works for the uplift of Konkani in Roman script. But not against any other script. This Akademi wants the progress of Konkani in the Roman script as much as it wants the progress of Konkani in the Devnagri script, and DKA ( Dalgado Konknni Akademi ) looks forward keeping this aim in mind.

Leave a Reply

Your email address will not be published. Required fields are marked *

Enable Google Transliteration.(To type in English, press Ctrl+g)

Contact us

Tag Cloud

Posts in respected Languages

Skip to toolbar