*Konknni xivai **G**õ**ykarponn nam : Vincy Quadros*

*Konknni xivai **G**õ**ykarponn nam : Vincy Quadros*

*‘Monantlim Motiam’

Kovitam Pustok Uzvaddailim*

*Moddganv* :-
Inglez pottachi bhas punn Konknni xivai amkam vollokh nam aniKonknni xivai Gõykarponn nam, oxe udgar Dalgado Konknni Akademicho (DKA)Chittnis Vincy Quadros hannem ugtaile. To DKA-n ghoddoun haddlolea ‘Monantlim Motiam’ hea Bosco Barreto hachea putosk uzvaddavnniechea dobjeant uloitalo. Tache borabor Mukhel Soiro mhonn adlo Montri Francisco Monte Cruz, DKA-cho Bhanddari Celso Fernandes, borovpi Bosco Barreto, Bosco-chi ghorkarn Luiza Barreto ani DKA Vavurpi Somiti Vangddi Daniel F.
De Souza hajir asle. Ho suvallo Moddganvchea BPS Club-ant 31 Janerak zalo.

Vincy Quadrosan mukhar sanglem, amchea ghorant, ami mellttat thoim, amchea dobajeamni Konknnicho vapor korunk zai. DKA ganvam-ganvamni vochun tichem mohotv pottoun divpacho vaur korta tednam tumcheai ganvamni Konknni vixim zagrutai korunk zai zalear DKA-k kollounk thoim hajir asloleank tannem avhan kelem ani igorjen Konknni sambhallunk bhorpur vaur kela tachii tannem tokhnnai keli. Bosco Barreton tea disa aplea jivitacho 75vo vadd’dis monoilo te nimtan taka subetsa diun Vincyn taka 100 vorsanchem ayux’ya aunddelem.

Mukhel Soiro Francisco Monte Cruz duyent aslolean kaim uloilo nam punn Pustok uzvaddaitanam Boscochea hea lhanponnailea amigan dukam gollounuch apli khos ugtaili.

Hea vellar Daniel F. De Souza hannem sutrsonchealon kortanam pustokachi vollokh korun dili. Pustokant veg-vegllea vixoyancher 50 kovita asat, kovor Lui Estibeiro hannem chitrailam zalear DKA-cho Odheokx Tomazinho Cardozo hannem prostavona boroilia ani Fr. Carmo Martins hannem borovpia vixim vichear manddleat. Hem pustok Boscon aplie avoik Carmina-k bhettoileam zalear tem DKA-chea ‘Kombri Yeuzonn’-e khala uzvaddailam.

Barreton aplem monogot veokt kortanam apnnak adhar keloleanche upkar mandle. Survatek Sweety Barreto hinnem soglleank yeukar dilo.

3 Comments on “*Konknni xivai **G**õ**ykarponn nam : Vincy Quadros*

Bruno

Vincy bab tuka probi.

Bruno

Vincy Bab tuka probi

增大网

年后第一次来,恭喜恭喜!

Comments are closed.

Categories

Upcoming Events

View All Events