*‘Utrak-Utram’ hea Bhou-upiogi pustokachi uzvaddavnni, 24vier Ponnje*

*‘Utrak-Utram’ hea Bhou-upiogi pustokachi uzvaddavnni, 24vier Ponnje*

 

*Ponnje :* Konknnichie Romi lipichea itihasant Dalgado Konknni Akademin (DKA) toyar kelolem ek agllem-vegllem ani bhou upiogi pustok ‘Utrak-Utram’ (Konkani Synonyms) 24 Febrer 2019 disa sanje 4.30 vorancher Art & Culture Khateachea Multipurpose Hall-ant, Patto, Ponnje hanga uzvaddak yeta. Hea pustokacho Borovpi zaun asa Mumboi sthayik Michael Fernandes zalear Sompadok zaun asa DKA-cho Chittnis Vincy Quadros.

Hea suvalleak Old Goa-chie Se Cathedral Firgojecho Padr Vigar ani Konknni bhaxecho ani nam’necho Lekhok Rev. Fr. Alfred Vaz Mukhel Soiro mhonn hajir ravtolo. Tache borabor pustokacho borovpi Michael Fernandes hajir astolo ani DKA Odheokx Toma-zinho Cardozo yezman’ki choloitolo. Vincy Quadros pustokacher aple vichear manddttolo.

*Borovpi Michael Fernandes-achi vollokh :*

Michael Fernandes

Michael Fernandes 03 Novembr 1955 disa Mumboi zolmolo. Tannem Dubai-chea Astoria Hotel-ant ani Mumboi-chea Palm Grove Hotel-ant sirvis keli. Thoinch to Bharatiya Kamgar Sena-cho Odheokx koso dha vorsam vavurlo. Tannem Cine Times ani Firgoz potracher Konknni toxench Inglez bhaxent kovita,ek-anki nattkulim ani kantaram boroilim. Inglez bhaxent tannem xembhoram voir kovita boroiliat. To New York-achea Poetry Circle-acho vangddi asa ani tanchea maulie ghoracher tachio kovita chhapun ailiat. Tachea borpak lhan-vhodd inamam-i favo zaleant. ‘Utrak-Utram’ (Konkani Synonyms) hem tachem poilem pustok zaun asa. ‘Konkani Antonyms’ ani ‘Konknni Xobdkox’ borovpacho tacho haves asa.

——-

*Sompadok Vincy Quadros-achi vollokh :*

Vincy Quadros

Vincy Quadros ek Konknni lekhok, onnkarpi, lipiantorkar, songhottok ani potrkar. Tannem aizver sumar 26 pustokam uzvaddaileant ani sabar pustokanchem sompadon kelam. ‘Romi Lipint Konknni Borovpiank ani Vachpiank Sangati’ hem tachem mohotvachem pustok. Konknni bhaxent uzvaddak yevpi choddant chodd potram/nemalleacher tachem borovp vachunk melltta.
Tachea bhurgeam sahityak ‘Kendr Sahitya Akademi’ ani ‘Goa Konknni Akademi’ hanche puroskar labhleat. Te xivai her ‘Sahityik Puroskar’-am borabor ‘Potrkarita’, ‘Sthombh Lekhok’, ‘Konknni Kar’yakorto’, ‘Boro Borovpi’, ‘Boro Kovita Rochpi’, ‘Mhoineacho Kothakar’, ‘Mhoineacho Kovi’ ani ek-anki nattkuleamni sabar puroskar ani inamam zoddleant. Kerela thaun uzvaddak  yevpi ‘Divine Voice’ masikacho to Sompadok asa.

Utrak-Utram (Konkani Synonyms) hem borovpiank mohotvachem aslolean tem uzvaddavnniechea nimtan khas sovlotin vikriek astolem, hachi nond gheunchi. Konknni mogiamni ani chodd korun borovpiamni vhodd sonkhen hajir ravon hi karyavoll zoitivont korunk DKA-n ulo marla.

Categories

Upcoming Events

View All Events