कोकणींतले नामनेचे कवी प्रकाश पाडगांवकर अंतरले

कोकणींतले नामनेचे कवी प्रकाश पाडगांवकर यांच्या दुखेस्त मरणा विशीं हांव शोक उकतायतां.
श्री. प्रकाश पाडगावकर हे साहित्य अकादमीचे पुरस्कार जैतीवंत कवी आशिल्ले.
कोकणी कवितेंत तांणी जायते प्रयोग केले. एका शाराचेर बरयल्लो तांचो वास्कोयन कविता झेलो हें ताचें बेसबरें उदाहरण.

सूरवैक समाजीक आशय केळोवपी तांची कविता मुखार तात्वीक चिंतनाची खोलाय घेवन आयली.

हांव मनीस अश्वत्थामो झेल्यान सुरू जाल्लो तांचो तत्वचिंतनाचो प्रवास मानवी जिणेची खराय सोदीत रावलो.

साहित्य अकादमीच्या जायत्या कार्यावळीं कढेन तांचो लागीचो संबंद आशिल्लो. 2019 वर्सा गोंयांत मोल्यां जाल्ल्या पश्चिमी आनी पूर्वोत्तरी कवींच्या संमेलनाचें उकतावण तांणी केल्लें.

तांच्या मरणाक लागून कोंकणीन एक प्रयोगशील आणि चिंतनशील कवी वगडायला. तांच्या आत्म्याक सद्गती मेळूं ही प्रार्थना. साहित्य अकादमीचे वतीन तांकां आर्गां
डॉ. भूषण भावे
निमंत्रक, कोंकणी भाशा सल्लागार मंडळ,
केन्द्रीय साहित्य अकादमी, दिल्ली.

Leave a Reply

Your email address will not be published. Required fields are marked *

  (To Type in English, deselect the checkbox. Read more here)